Ríða Edeling – Dansispæl

1.Dreingir:
Fram ríður offur,
Fram ríður Edelingur,
Fram ríður Hómanns Edelingur,
Fram ríða Kongsins menn allir.

2.Gentir:
Hvat vil offur,
Hvat vil Edelingur,
Hvat vil Hómanns Edelingur,
Hvat vilja Kongsins menn allir ?

3.Dreingir:
Biðla vil offur,
Biðla vil Edelingur,
Biðla vil Hómanns Edelingur,
Biðla vilja Kongsins menn allir.

4.Gentir:
Hvør er offur,
Hvør er Edelingur,
Hvør er Hómanns Edelingur,
Hvørjir eru Kongsins menn allir ?

5.Dreingir:
Trælur er offur,
Trælur er Edelingur,
Trælur er Hómanns Edelingur,
Trælir eru Kongsins menn allir.

6.Gentir:
Ríð burt offur,
Ríð burt Edelingur,
Ríð burt Hómanns Edelingur,
Ríði burt Kongsins men allir!

7.Dreingir:
Vreiður ríður offur
Vreiður ríður edelingur,
Vreiður ríður Hómanns Edelingur,
Vreiðir ríða Kongsins menn allir.

8.Dreingir aftur:
Aftur ríður offur,
Aftur ríður Edelingur,
Aftur ríður Hómanns Edelingur,
Aftur ríða Kongsins menn allir.

9.Gentir:
Hvør er offur,
Hvør er Edelingur,
Hvør er Hómanns Edelingur,
Hvørjir eru Kongsins menn allir ?

10.Dreingir:
Skipari er offur,
Skipari er Edelingur,
Skipari er Hómanns Edelingur,
Skiparar eru Kongsins menn allir.

11.Gentir:
Tak við offur,
Tak við Edelingur,
Tak við Hómanns Edelingur,
Takið við Kongsins menn allir.

12.Dreingir og Gentir:
Glaður ríður offur,
Glaður ríður Edelingur,
Glaður Ríður Hómanns Edelingur,
Glaðir ríða Kongsins menn allir.

Vanligt er eisini at gentirnar spyrja ”hvat gevur offur” ístaðin fyri ”hvør er offur” í ørindi 4 og 9. Tá kunnu dreingirnir svara ”jørð gevur offur” og ”gull gevur offur”.